Dí niʼni Jesús

Ndiéjunʼ ejmañulúʼ náa xkridoo Jesús rá.

2. Tikhuun ndajyúnʼ mbayuuʼ mudrigú ajngáa rí májánʼ ki xóo eʼwíinʼ, ikha jngóo ndayóoʼ maʼngo̱o̱ a̱jkiu̱lú.

 Atayaridáá Jesús

3. Atani̱ mixtiʼkhu. Á mu nákha ginii xa̱bu̱ tsíyoo gagruigú maʼnigájmaa Biblia, xátatsudaa. Mú á mu ma̱ndoo gáta̱ya̱a̱, gajmaaʼ video o i̱ʼwáʼ artículo mu xa̱bu̱ mbaʼyoo xú káʼnii nindxu̱u̱ dí maʼnigájmaa Biblia ga̱jma̱a̱ xú káʼnii gámbáyúu dí maʼnigájmaa.

4. Xátani mbríguíi ga̱jma̱a̱ imba̱a̱ xa̱bu̱. Mámbáa xa̱bu̱ mixtiʼkuii. Á mu mbáa bi̱ xtayáá o mbáa bi̱ nitaxkamaa náa narataráʼa na̱nguá eʼyoo á mu ma̱ndoo magíʼdu̱u̱ maʼnigájmaa numuu Biblia o tsíyoo gagruigú mbá kisngáa dí na̱ʼkha̱ náa Biblia, atrajxi̱mínáʼ náá numuu. Lá xa̱bu̱ buʼko̱ naʼnimbo̱o̱ wéñuʼ dí naʼsngáa náa mbá religión ráʼ. Lá bi̱ kaʼñún ga̱jma̱a̱ bi̱ xtáa mijngii gajmíi̱n nutsudaa dí xáʼnigájmaa xáʼ. Atatsiñaaʼ mbayuuʼ dí mandxaʼwáminaʼ dí nitamijnála mu maʼga̱nú mbaʼyoo dí gíʼdoo numuu dí naʼsngáa náa Biblia.

5. Aratháán Jeobá ga̱jma̱a̱ numuu xa̱bu̱ buʼko̱. Atanda̱ʼa̱a̱ Jeobá dí mambáyáaʼ ma̱ta̱ya̱a̱ má xúʼko̱ náa dí májánʼ ga̱jma̱a̱ mambáyáaʼ matraʼwíí májánʼ dí marata̱. Ma̱ngaa aratakháñii mambáyáaʼ ma̱ta̱ya̱a̱ nguáná gátatsiʼñááʼ ra̱dxu̱ʼ ratayáá mbáa bi̱ tsénigu̱u̱ʼ maʼdxawuun májánʼ (1 Cor. 9:26).