KUPILUKILA
CIIYO 8
Kukkazika moyo
Njiisyo: “Luyando lulakkazika moyo.”—1Kor. 13:4.
Ncaakacita Jesu
1. Amweebelele VIDIYO, naa kubala Johane 7:3-5 alimwi a 1 Bakorinto 15:3, 4, 7. Mpoonya mubandike mibuzyo iitobela:
Ncinzi Ncotwiiya Kuli Jesu?
2. Tweelede kukkazika moyo akaambo kakuti bantu bamwi balamuka kutambula makani mabotu kwiinda bamwi.
Amumwiiye Jesu
3. Amusole nzila iimbi. Ikuti muntu katayandi kwiiya Bbaibbele mpoonya-mpoonya, mutamusinikizyi pe. Ikuti kaceelela, amubelesye mavidiyo naa zibalo zimwi kumutondezya mbocicitwa ciiyo ca Bbaibbele alimwi ambocikonzya kumugwasya.
4. Mutamweezyanisyi. Kunyina bantu bakozyenye. Ikuti munamukwasyi naa muntu ngotwakaswaya mulweendo lwakupilukila kawayawaya kwiiya Bbaibbele, amusole kuzyiba kaambo ncocili boobo. Sena kuli njiisyo zyacikombelo nzyakkomanina kapati? Sena ulayungwa abanamukwasyi naa basimukobonyina? Amumupe ciindi cakuyeeya zintu nzyomwamwaambila alimwi akuti alibonene mpindu yazintu nzyolyaamba Bbaibbele.
5. Amumupailile muntu iwatondezya luyandisisyo. Amumulombe Jehova kuti amugwasye nywebo kuzumanana kuba abulangizi alimwi abupampu. Amumulombe Jehova kuti amugwasye kuzyiba ciindi nomweelede kucileka kuswaya muntu ooyo uutatondezyi kuba luyandisisyo.—1Kor. 9:26.