KUBWEEDELA
CHIIYO 8
Baamoyo Mulamfu
Malayilile: “Luyando luli aamoyo mulamfu.”—1 Kor. 13:4.
Nzyaakachita Jesu
1. Yebela KAVIDIYO naakuti ubale Johane 7:3-5 a 1 Bakkorinte 15:3, 4, 7, mpawo ulange-lange mibuzyo iitobela:
Twiiyaanzi Kuzwa Kuli Jesu?
2. Tweelede kuba aamoyo mulamfu nkaambo bamwi balanonoka kutambula makani mabotu.
Tobelezya Jesu
3. Belesya imwi nzila. Kuti muntu taafwambaana kuzumina kwiiya Bbayibbili, utamusungilizyi pe. Kuti kakuyandikana, belesya mavidiyo naakuti zyiiyo zikonzya kumugwasya kuti amvwisisisye kuti niinzi nzituchita aachiiyo chaBbayibbili akuti ugwasigwa biyeni anzizyo.
4. Utamweezyanisyi aabamwi. Bantu balisiyene. Kuti wamumpuli naakuti muntu ngutulikubweedela wawaya-waya kwiiya Bbayibbili naakuti kuzumina imwi njiisyo yamuBbayibbili, bona kuti niinzi chapa kuti akake. Wakaka akaambo kakuti kuli njiisyo njasyoma na yakuchikombelo nchanjila? Ulikukazigwa aababbululu naakuti basimayakilane bakwe na? Mupe chiindi chakuti ayeeyesesye atala azintu nzwaamubuzya akuti abone mbukayandikana kasimpe kamuBbayibbili.
5. Kombela muntu wakatondeezya chiyandisyo. Kumbila Jehova kuti akugwasye kuti ubone buntu bubotu mbwalaabo muntu ooyo alubo ubelesye maanu. Kombela kuti uzibe chiindi nweelede kuleka kuswaya muntu uutachikwe chiyandisyo.—1 Kor. 9:26.
