KU TLHELELA EKA LAVA KOMBISEKE KU TSAKELA
DYONDZO 8
Lehisa Mbilu
Nsinya wa nawu: “Rirhandzu ri lehisa mbilu.”—1 Kor. 13:4.
Leswi Yesu A Swi Endleke
1. Hlalelani VHIDIYO, kumbe mi hlaya Yohane 7:3-5 na 1 Vakorinto 15:3, 4, 7. Kutani mi hlamula swivutiso leswi landzelaka:
Hi Dyondza Yini Eka Yesu?
2. Hi fanele hi lehisa mbilu hikuva vanhu van’wana va teka nkarhi wo leha ku tlula van’wana leswaku va amukela mahungu lamanene.
Tekelela Yesu
3. Ringeta tindlela tin’wana. Loko munhu a nga hatli a pfumela ku dyondza Bibele, u nga n’wi sindzisi. Loko swi koteka, tirhisa tivhidiyo kumbe tinhlokomhaka leswaku u n’wi pfuna a twisisa leswi endlakaka eka dyondzo ya Bibele ni ndlela leyi a nga vuyeriwaka hayona.
4. U nga n’wi ringanisi ni van’wana. Vanhu a fani. Loko xirho xa ndyangu kumbe riendzo ro vuyela a kanakana ku dyondza Bibele kumbe ku amukela dyondzo ya le Bibeleni, kumisisa xivangelo xa kona. Xana ku ni tidyondzo to karhi ta vukhongeri leti nga ta nkoka swinene eka yena? Xana maxaka kumbe vaakelani va n’wi tshikilela? N’wi tshike ku hundza nkarhi leswaku a ehleketa hileswi u swi vuleke ni ku tlhela a vona nkoka wa leswi Bibele yi swi vulaka.
5. Khongelela munhu loyi a tsakelaka. Kombela Yehovha leswaku a ku pfuna u tshama u ri ni ntshembo u tlhela u va ni vuxiyaxiya. Khongelela ku twisisa leswaku u ta tiva nkarhi lowunene wo tshika ku dyondza ni munhu loyi a nga tsakeliki.—1 Kor 9:26.
