СОНУУРГАЛДЫ САЙЗЫРАДЫҢАР
КИЧЭЭЛ 8
Шыдамык чорук
Библейжи дүрүм: «Ынакшыл шыдамык-даа» (1 Кор. 13:4).
Иисус чүнү кылып турган?
1. ВИДЕОНУ көрүңер азы Иоанн 7:3—5 биле 1 Коринфичилерге 15:3, 4, 7, 8 номчуптуңар. Дараазында айтырыгларның дугайында боданыңар:
Иисустан чүнү өөренип алыр бис?
2. Библейжи медээни хүлээп алырынга чамдык улуска хөй үе херек. Ынчангаш биске шыдамык болуру чугула.
Иисусту өттүнүңер
3. Аңгы-аңгы аргаларны шенеңер. Кижиниң Библияны дораан өөренир күзели чок болза, ону албадаан херээ чок. Библейжи кичээлдиң канчаар эртип турарын база ол кижиге ооң кандыг ажык-дузалыг боорун тайылбырлаан видеону азы статьяны таарымчалыг үеде аңаа көргүзүңер.
4. Бир кижини өскелер-биле деңнээн херээ чок. Кижи бүрүзү кайгамчык. Өг-бүлеңерниң кежигүнү азы Библия сонуургап турар кижиңер библейжи кичээлден ойталап азы бир-ле өөредиг-биле чөпшээрешпейн турар болза, чүү дээш ынчап турарын боданыңар. Чүдүлгезинде бир-ле чүүл аңаа чоок бооп чадавас. Бир болза төрелдери азы кожалары ону дедир сургап турар чадапчок. Ол кижиге боданырынга база алыс шынның үнезин билип каарынга үе херек деп утпаңар.
5. Дузадан дилеп мөргүңер. Эки хөөннүг болгаш эвилең-ээлдек боор дээш, Иеговадан дузаны дилеңер. Алыс шынны сонуургап турар бе база олче улаштыр баары херек бе деп билип алыр дээш, эскериичел чорукту база Бургандан дилеңер (1 Кор. 9:26).
