Te bin la spas te Jesús

¿Bin ya yakʼ jnoptik te bin la spas te Jesús?

2. Ma spisilukik te oranax ya schʼuunik te lek yachʼil kʼop, jaʼ yuʼun ya skʼan ya jnaʼtik smaliyel.

 Nopbeya stalel te Jesús

3. Lea bin ya xjuʼ ya apas. Mame xa asuj te ants winik ta yichʼel te nojptesel ta Biblia teme la yal te maʼuke. Pero, teme ya xjuʼ ya awile, akʼbeya yil videoetik o junetik yuʼun ya yil bin-utʼil ya kakʼtik te nojptesel ta Biblia sok bin-utʼil ya xkoltayot ta skuxlejal.

4. Mame xa apaj te ants winik. Yanyantik stalelik-a te ants winiketik. Teme ay jtul afamilia o ay machʼa ta territorio ma skʼan nojptesel ta Biblia o ma schʼuun te bin ya yal te Biblia, jojkʼoybeya aba bin yuʼun. ¿Aybal bin snopoj ta sreligion te mukʼ skʼoplal ta yoʼtane? ¿Yuʼunbal yak ta kontrainel yuʼun te sfamilia o te spatxujk? Ma xa asuj, maliya yuʼun ya snop ta yoʼtan te bin awalojbeyikix skʼoplal sok te mukʼuk skʼoplal ya yil.

5. Kʼalal ya akʼopon te Jehová, albeya skʼoplal te ants winik. Kʼanbeya Jehová te manchuk ya anop te maʼyuk bin-ora ya snop te Biblia te ants winik sok te yakuk atsajtay te bin ya awalbeye. Jaʼnix jich kʼanbeya koltayel ta snaʼel bin-ora maba ya awulaʼtayix te machʼa ma mero ya smulane (1 Cor. 9:26).