ZAARETTI OYCHCHIYOGAA
TIMIRTTE 8
Danddayaa
Geeshsha Maxaafaa Maaraa: “Siiqoi danddayanchcha.”—1 Qor. 13:4.
Yesuusi Oottidobaa
1. BIIDUWA beˈa, woy Yohaannisa 7:3-5nne 1 Qoronttoosa 15:3, 4, 7 nabbaba. Yaatada, kaallidi deˈiya oyshata akeeka:
Yesuusappe Ay Tamaariyoo?
2. Issoti issoti mishiraachchuwa siyidi laamettanawu haratuppe aaruwan takkana danddayiyo gishshawu, nuuni danddayanchcha gidana koshshees.
Yesuusa Milata
3. Maaddanawu hara ogiya goˈetta. Issi uri Geeshsha Maxaafaa xannaˈanawu sohuwara maayettana xayikko, A wolqqanttoppa. Geeshsha Maxaafaa waati xannaˈiyakko, qassi hegan I waani goˈettanaakko akeekanaadan maaddanawu, injjetiyo wode biidota woy xuufeta goˈetta.
4. Haratuura geeddarssoppa. Ubba asaykka issoy issuwappe dummatees. Ne soo asaa yaray woy neeni zaaretta oychchiyo uri Geeshsha Maxaafaa xannaˈanawu woy Geeshsha Maxaafay tamaarissiyobaa ammananawu mammottikko, hegawu gaasoy aybakko akeeka. Ba haymaanootiyan I ammaniyo xoqqu ootti xeelliyobaa gishshataassee? Dabbotuppe woy shoorotuppe paacciyabay A gakkiiddi deˈii? Ne yootidobaa I loytti qoppananne Geeshsha Maxaafay tamaarissiyobaa nashshana gakkanaashin danddayan naaga.
5. Siyanawu koyiya uraabaa woossa. Neeni ubbatoo loˈˈobaa qoppanaadaaninne hiillanchcha gidanaadan maaddana mala Yihoowa woossa. Siyanawu koyenna ura zaaretta oychchiyogaa awude aggana koshshiyakko eranawu maaddanaadan woossa.—1 Qor. 9:26.