PAGBALIK-BISITA
LEKSYON 8
Pagin Pasensyoso
Prinsipyo: “An gugma pasensyoso.”—1 Cor. 13:4.
An Ginbuhat ni Jesus
1. Kitaa an VIDEO, o basaha an Juan 7:3-5 ngan 1 Corinto 15:3, 4, 7. Katapos, batona an masunod nga mga pakiana:
-
Ano an siyahan nga reaksyon han kabugtoan ni Jesus ha iya mensahe?
-
Kay ano nga masisiring naton nga waray umundang hi Jesus ha pagbulig ha iya bugto nga hi Santiago?
Ano an Aton Mahibabaroan kan Jesus?
2. Kinahanglan naton magin pasensyoso kay may mga tawo nga mas maiha kumarawat han maopay nga sumat.
Subara hi Jesus
3. Testingi an iba nga paagi. Kon an usa diri dayon nagpapa-Bible study, ayaw hiya pirita. Kon posible, gamit hin mga video o artikulo nga mabulig ha iya nga masabtan an ginbubuhat ha pag-Bible study ngan kon paonan-o hiya magpapahimulos.
4. Ayaw pagkompara. Iba-iba an kada indibiduwal. Kon an usa nga kapamilya o ginbabalik-bisita nag-aalang pagpa-Bible study o pagkarawat hin katutdoan ha Biblia, hunahunaa kon kay ano. May-ada ba hiya gintotoohan ha iya relihiyon nga importante gud ha iya? Ginpipresyur ba hiya han iya mga kapamilya o amyaw? Tagi hiya hin panahon nga hunahunaon an imo iginsumat ngan apresyaron an ginsisiring han Biblia.
5. Ig-ampo an interesado. Pangaro hin bulig kan Jehova nga makapabilin ka nga positibo ngan mataktika. Pag-ampo nga masabtan mo kon san-o dapat iundang an pagbisita ha usa nga diri gud interesado.—1 Cor. 9:26.
