ᲙᲘᲜ ᲛᲔᲙᲘᲗᲮᲘᲠ
ᲒᲐᲙᲕᲔᲗᲘᲚ 8
მოთვინება
პრინციპ ბიბლიაშე: „ჸოროფა ითვინენს“ (1 კორ. 13:4).
იესოშ მაგალით
1. ქუჯინ ᲕᲘᲓᲔᲝᲡ: ვარდა წეკითხ იოანეშ 7:3—5 დო 1 კორინთელეფიშ 15:3, 4, 7. უკულ დეფიქრ თუდო მოჩამილ კითხვეფშე:
მუშ გურაფა შეილებ იესოშე?
2. ნამთინე პიროვნებას სახიოლო ამბეშ მიოღებელო უმოს დრო ოსაჭირ ვინემ შხვას. ათეშენ, საჭირო რე, გეგმირჩქინე მოთვინება.
მიაჸუნ იესოშ მაგალითის
3. გეგმირინე შხვა მეთოდ. პიროვნებაქ ბიბლიაშ გურაფაშე დუდშე ვარია ქოიწუ-და, ვადანძალა. მოხუჯურ დროს, ვიდეოეფიშ ვარდა სტატიეფიშ საშვალებათ ქაძირე, მუჭო იტარებ ბიბლიაშ გურაფა დო მუ ჯგირობუას მუღანს თენა.
4. ვეშუდარა შხვას. თითოულ პიროვნება განსხვავებულ რე. სქან ოჯახიშ წევრის ვარდა დაინტერესებულს ბიბლიაშ გურაფაშ დოჭყაფაქ ვეგნაჭყვიდირ ვარდა ნამთინე ბიბლიურ გურაფას ვათანხმუნ-და, დეფიქრ, მუ შილებე რდას თეშ მიზეზ. თიცალ მუთუნ ხომ ვა რე თიშ რელიგიას, მუდგას მიოტებელო დიო ხოლო ვა სქიდუ? ნათესეეფიშ ვარდა მეზობელეფიშ გავლენაშ თუდო ხომ ვა რე? ქიმეჩ დრო, დეფიქრას სქან ნარაგადშე დო დაფასას ბიბლიურ ცნობა.
5. ქილოც დაინტერესებულშე. ქოთხი იეჰოვას, ვადინუე იმენდ დო ირიათო ტაქტიანო მიქცუე. თინა ხოლო ქოთხი, ნამდა ქიმეხვადე, ქოღირ დო ვარ კინ გაგრძელე თი პიროვნებაშ მეკითხირ, მით იშენდოიშენ დიდ ინტერესის ვეგმირჩქინანს (1 კორ. 9:26).
ᲥᲝᲫᲘᲠ ᲗᲔ ᲛᲣᲮᲚᲔᲤ ᲮᲝᲚᲝ
(მარ. 4:26—28; 1 კორ. 3:5—9; 2 პეტ. 3:9)
