VUTUKILA MUTU NIO YANGIDIDI
DILONGI 8
Ba mvibudulu
Tsikudukusu: “Luzolo luzebi vibidila.”—1 Ko. 13:4.
Diambu mbi Yesu kavanga
1. Tala VIDEO, voti tanga Yowani 7:3-5 ayi 1 Kolinto 15:3, 4, 7. Ayi tadileno biuvu biabi bilandikini:
Dilongi mbi tubeki kuidi Yesu?
2. Tufueti ba mvibudulu bila batu bankaka thangu yeta tombana muingi bayangalala wa nsamu mboti.
Sokudila Yesu
3. Meka phila yinkaka yisadila. Kadi kuika mutu mu kingolo enati mengi kuandi fika kikinina longuka Bibila. Mu thangu yo yifueni, sadila zivideo voti bisadulu binkaka muingi wunsadisa kasudika bue bueta viokila ndongokolo yi Bibila ayi bue kela yibakila mamboti.
4. Kadi dedikisa. Kadika mutu wukala ayi phil’andi. Enati khomb’eto mosi wu dikanda voti mutu mosi tue vutukila, balembo memata longuka Bibila ayi balembo memitina malongi ma Bibila, tukiyuvula mbi bitudidi ti bamemata. Weta kivana buwombo mu luwiluku lumosi lu dibundu? Batu ba dikanda diandi voti bo beta vuanda yandi, bawu balembo nkuiki mu kingolo kabika longuka? Wum’bikila thangu yi yindudila mu mambu mo wunkembi ayi kabaka thangu yi yangalala mu mambu mo Bibila kieta tuba.
5. Sambidila mutu nio yangididi. Sambila Yehova kasadisa muingi wuba mbueno yimboti ayi wuba madiela matubila. Sambila muingi wuzaba bu suasikisila thangu yizengila vutukila mutu nio kakadi kuandi thumu yangalala longuka.—1 Ko. 9:26.
