¿Bix tu beetil Jesús?

¿Baʼax k-kanik tiʼ Jesús?

2. Yaan máakoʼobeʼ ku bisik tiempo tiʼob u kʼamkoʼob le baʼax k-kaʼansiktiʼoboʼ. Le oʼolaleʼ kʼaʼabéet k-eʼesik paciencia.

 Beet jeʼex Jesúseʼ

3. Ilawil bix maas maʼalob jeʼel a wáantikeʼ. Wa tu káajbal juntúul máak maʼ u kʼáat u kʼam junpʼéel xookeʼ maʼ a obligartik. Wa maʼalob a wilkeʼ eʼestiʼ videoʼob wa xookoʼob jeʼel u yáantik u naʼat bix u tsʼaʼabal junpʼéel xook yéetel le Bibliaoʼ bey xan baʼax utsil jeʼel u taasiktiʼeʼ.

4. Maʼ a comparartik yéetel wa máax. Cada máakeʼ jelaʼan bix u tuukul. Wa juntúul k-láakʼtsil wa juntúul máak teʼ territorio maʼ tu yóotik u jáan kʼam junpʼéel xook wa junpʼéel kaʼansaj ku taal teʼ Bibliaoʼ maʼalob ka k-tukult baʼaxten. Maʼ xaaneʼ tumen yaan junpʼéel baʼal jach importante u yilik ku kaʼansaʼal ichil u religión. Wa maʼ xaaneʼ tumen ku yaʼalaʼal baʼal tiʼ tumen u láakʼtsiloʼob wa ku pʼaʼastaʼal tumen u vecinoʼob. Le oʼolal maʼalob ka a tsʼáa tiempo tiʼ utiaʼal u tuukul tiʼ le baʼax ku kaʼansik le Bibliaoʼ yéetel ka kʼuchuk u apreciarte.

5. Orarnen tu yoʼolal le máakoʼ. Kʼáat tiʼ Jéeoba ka u tsʼáatech paciencia yéetel ka a wil bix jeʼel u páajtal a wáantikeʼ. Kʼáat tiʼ Jéeoba ka u yáantech a wil wa jach tu jaajil taak u kaanbal le máax ka xíimbaltikoʼ yéetel wa unaj u xuʼulul a xíimbaltik (1 Cor. 9:26).