Itatap Lek Me Irek Ebi Ene

FIT

Onineen̄ Baibul: “Ìkibele ejit melek ebi ìkibele ejit; mè ìkifieek ejit melek ebi ìkifieek ejit.”—Rom 12:15.

Inu Jisọs Orọbe

FIDIO: Jisọs Ikaan̄ Njijin̄ me lek Ebi Ene

1. Kpọ FIDIO yi, mè iyaka ire fuk Mak 6:30-34. Mè fọọk idodo chi ogọgọọk:

Keke orọ Jisọs mè ebi otuchieen̄ kan̄ ekiweek isisi ikup me ere ge ‘ema gaalek’?
eke obieen̄ Jisọs ibe ijeen̄ ebi ife cha inu?

Keke Ke Eji Ekween̄ Inan̄a Me Lek Jisọs?

2. Eji ekiweek ilolook ebi ene ata etip, ire, eji si miweek itatap ubọk inyi ema.

Gọọk Akpat Ukot Jisọs

3. Riọọn̄ ubọk ikigban̄. Tele ibe ene ya ikpa nkeek kan̄ isibi. Kabọkọ usem me otu kan̄ itumu mè iyaka ire ikpọ chieen̄ ilọ me lek nkeek kan̄ mè iyaka ire ubọk inu okupbe ọmọ me lek. Sa me ikekigban̄ ọmọ, okijeen̄ ibe ke okaan̄ ulọk me lek nkeek kan̄.

4. Kikeek mkpọ ofolek ogwu ojejeen̄ ulọk ya. Igọọk me lek usem owuukbe lek igọọk ọmọ ikpa, do lek kwun̄ ibe:

‘Keke orọ ikupbe ufiak ibe inọ atikọ?’
‘Ike owa ke ikekikween̄ Baibul obosa irọ ibe ugwem kan̄ me mgbọ keyi melek mgbọ okup me isi inwọn?’

5. Tumu mkpọ echi oborọ ọmọ oruru. Mgbọ geelek isifet, jeen̄ ọmọ ubọk nkween̄mkpọ Baibul obokọt isa ifọọk idodo kan̄ mè itap ubọk inyi ọmọ me ugwem.

KPỌ SI

Rom 10:13, 14; Filip 2:3, 4; 1 Pita 3:8

MA EBI ENE—RỌ EMA EBI UDUN̄ KÈ KARAIS