NIAN SRAN OSU
LIKE SUANLƐ 9
Maan sran ndɛ lo wɔ
Ndɛ cinnjin’n: “Be nga be su di aklunjɔɛ’n, maan amun nin be di aklunjɔɛ. Be nga be su sun’n, maan amun nin be sun.”—Rɔm. 12:15.
Like nga Zezi yoli’n
1. Nian VIDEO’N, annzɛ kanngan Marki 6:30-34 nun. I sin’n, bu kosan nga’m be akunndan:
?Ngue yɛ like nga Zezi yoli’n kle e-ɔ?
2. E kunndɛ kɛ é bó jasin fɛ’n é klé sran mun. Sanngɛ ɔ fata kɛ e uka be wie.
Sɔnnzɔn Zezi
3. Sie ɔ su sran’m be nuan bo kpa. Man sran’n i atin naan ɔ kɛn i klun ndɛ. Nán kpɛ i nuan ndɛ. Yɛ nán yo kɛ ndɛ ng’ɔ kan’n timan ɔ cinnjin sa. Sɛ a sie ɔ su i nuan bo kpa’n, ɔ́ wún i wlɛ kɛ i ndɛ lo wɔ sakpa.
4. Bu sran nga ndɛ nanwlɛ’n lo i’n i akunndan. Jran yalɛ nga a nin sran’n be kokoli’n su naan usa ɔ wun kɛ:
5. Kan ninnge nga be kwla ukɛ i’n be ndɛ. Blɛ kwlaa nga a ɲɛn i wun atin’n, kle i wafa nga Biblu’n kwla tɛ kosan ng’ɔ fa usɛ i wun’n be su’n. Asa’n, kle i wafa nga Biblu’n kwla ukɛ i ninnge trele wie’m be nun’n.