PAGDALAW LIWAT
LEKSIYON 9
Empatiya
Prinsipyo: “Makiugma sa mga nag-uugma; makitangis sa mga nagtatangis.”—Roma 12:15.
Kun Ano an Ginibo ni Jesus
1. Hilingon an VIDEO, o basahon an Marcos 6:30-34. Dangan pag-isipan an minasunod na mga hapot:
Ano an Manunudan Ta ki Jesus?
2. An pagkaigwa nin empatiya nagpapahiro sa sato na magmalasakit sa mga tawo, bako lang na maghiras sa sainda kan satong mensahe.
Arugon si Jesus
3. Magdangog na marhay. Pabayaan an kaulay na magsabi kan nasa buot niya. Dai magsabad saiya o pagbaliwalaon an saiyang mga namamatian, ikinakahadit, o pagkontra. Paagi sa pagdangog na marhay, ipinapahiling mo na mahalaga saimo an mga iniisip niya.
4. Isipon an sarong interesado. Base sa pakikipag-ulay mo sa saiya, haputon an sadiri:
-
‘Paano makakatabang saiya an pag-adal sa Bibliya para magin mas marahay an buhay niya sa aroaldaw asin magkaigwa nin marahay na puturo?’
5. Maghiras nin impormasyon na makakatabang sa saiya. Sa lalong madaling panahon, ipahiling saiya kun paano puwedeng masimbag kan pag-adal sa Bibliya an mga hapot niya asin kun paano iyan puwedeng makatabang sa saiya sa praktikal na mga paagi.