Ðɛ Jízɛ̀ Nyu Ma Kɛ

Ðɛ́ À Cɛ̃́ Jízɛ̀ Xwaún Wɛ̃́?

2. Wìì nyuɛ ké à kɔ̃̀ nyɔ ɓè jè gbo, ké ɔ se bɔ̃̀ nɔ̀mɔ̀ dyíinɔ̀ ɖòùn jè pu.

 Sí Jízɛ̀ Ɓo-Bɛ̃̀ìn

3. Tò ɖùù kóɖó-kóɖó. Nyí nyɔɔ̀ ti ɓɛ́ ɔ ké wùɖù. Ɓɔ́ ɔ wuɖu wĩin kpɔ̃ɔ, mɔɔ ɓɔ́ ɔ hwòɖò-kpɔ̃-ɖɛ̀ ɓè mɔɔ kà ɔ hwòɖò nyu nìɛ̀ kɛ mɔɔ ɖɛ ɓè ɔ se gbo wɔ̃́ìn nyɛɛ dyíi dyi poɛ wàɖà. M̀ dyi ɔ ɖùù gbo tò kóɖó-kóɖó ní, m̀ muɛ ɔ dyí tɛ̀mɛ̀ìn kà m̀ kɔ̃̀ ɖé ɔ hwìɖìi-poìn-ɖɛ̀ ɓèɔ̀ jè gboɛ.

4. Poìn nyɔɔ̀ jè hwìɖìi. Ɓá ɖɛ ɓè nìà dɔ́ɔ́ kɔ̃in dèɛ̀n nyɛ jè dyíɛɛ, m̀ mɛ diè m̀ mìɔùn dyi:

1.    ‘Xwíníínɔ̀ nyɛ́ kɔ̃̀ jè ɔ kɔ̃̀ ɔ kéà jààɔ̀ jè wɔ̃́ kɛ́?’

2.   ‘Xwɛ̀ Baɓoɔ cɛ̃́-cɛ̃́ ɓɛ́ìn nyuɛ ɓɛ́ ɔ ké cĩ́-cĩ́ kè hwòɖò-po-naín nɔ̀mɔ̀ dyíin ɓéɖé kɛ́?’

5. Tɛ̀mɛ̀ìn ɖɛ ɓè ɓɛ́ìn ɔ gbo kpáa kɛ. Tiɔ̀ dyi dyíin nɔ̀mɔ̀ ní, fṹà ɓɛ́ m̀ ké kà Baɓoɔ cɛ̃́-cɛ̃́ ɓɛ́ìn ɔ dyi-diè-ɖɛ̀ ɓèɔ̀ gɔ̃̀ jùɛ, kè kà ɔ ɓɛ́ìn ɔ gbo kpáa ɖé hwìè jɛ́ɛ́ ɓè múɛɛ ɔ dyí tɛ̀mɛ̀ìn.