GIRIBU HUMÁ BISIDAÑA GÜRIGIA
ARUFUDAHANI 9
Rugua humá hungua lidoun halugaarun gürigia
Adundehani tídangiñeti Bíbülia: “Gunda humá hama ha gúndaabaña, hayahua hama ha ayahubaña” (Rom. 12:15).
Le meha ladügübei Hesusu
1. Ariha huméi BIDÉU o aliiha huméi Márükosu 6:30-34. Ábameti hasaminarun luagun álügüdahani burí le:
Ka wafurendeirubei lúmagiñe Hesusu?
2. Dan le wíchaagun woungua lidoun halugaarun gürigia, magufurumaduntiwa láurügü wíchuguni uganu buiti houn, busentiwa giñe wíderaguniña.
Áyeiha huméi Hesusu
3. Ru humá arigei lun le hariñagubei gürigia. Madüraagua huméi liyanun gürigia, marufudun huguyame mebereseni lau, danme le labahüdaguñein lan lidiheri hun, ida liña lan lasandiragun lungua o lariñaguñein lan hun ka lan idan múaran lan luma le hariñagubei. Anhaün íchiga arigei lun le lariñagubei gürigia hun, larihibei gürigia ligía lungua le lan lúgubu busén humá hasubudiruni ka lan lasaminarubei.
4. Samina humá luagun gürigia le busenbei lafurendeirun. Mabulieida huméi le ariñaga láalibei gürigia hun ani álügüdagua humá hungua:
-
“Anhoun laturiaha Bíbülia, ida luba hamuga líderaguni katei le lun labuidurun libagari dandu guentó kei ámuñegü?”.
5. Ayanuha humá luma gürigia luagu katei burí le gayaraabei líderaguni. Keime hadarirun chansi, arufuda huméi lun gürigia ida luba lan líderaguni laturiahanu Bíbülia lun ladariruni lóunabagüle álügüdahani le ladügübei lúniwagua luma ida luba lan tíderaguni lidan ámuñegueinarügü igaburi.
