KATZOLIN
NAʼOJ 9
Tanaʼ ri nkinaʼ ri nkʼaj chik
Ri nuʼij le Biblia: «Kiʼ ikʼuʼx tibʼanaʼ kikʼë ri kiʼ kikʼuʼx kibʼanon; kixoqʼ kikʼë ri yeʼoqʼ» (Rom. 12:15).
Ri xuʼän Jesús
1. Tatzʼetaʼ ri VIDEO o taskʼij ruwäch Marcos 6:30-34. Chrij riʼ, taquʼ kij re kʼutunïk reʼ:
¿Achkë nqatamaj qa chrij Jesús?
2. Taq nqanaʼ ri nkinaʼ ri nkʼaj chik, ma xa xuʼ ta xtqatzjoj ri utziläj taq rutzjol chkë, xa kan xtqajoʼ xkeqatoʼ.
Takʼamaʼ anaʼoj chrij Jesús
3. Tayaʼ axkïn. Takʼoxaj ri winäq chqä ma taqʼät ta rutzij. We nukanuj achkë nuʼij rchë ma yaturkʼoxaj ta o nuʼij ri nunaʼ o ri nbʼanö che rä chë nchʼpü rukʼuʼx, tayaʼ axkïn che rä. We xtaʼän riʼ, ri winäq xtzʼët chë rït kantzij yachʼpü chrij (namäy rij).
4. Taquʼ rij ri winäq. Tnatäj chawä ri xitzjoj rkʼë chqä taquʼ rij reʼ:
-
«¿Achkë rma nkʼatzin nutamaj ri kantzij taq naʼoj ye kʼo chpan le Biblia?».
-
«¿Achkë rubʼanik xttoʼ pa rukʼaslemal komä chqä chqawäch apü ri nutjoj riʼ chrij le Biblia?».
5. Taksaj naʼoj ri xtkitoʼ ri winäq. Kan takʼutuʼ yän chwäch ri winäq achkë rubʼanik ri xttjoj riʼ chrij le Biblia xttoʼ rchë xtqʼalajsaj rukʼutunik chqä kan kʼïy rubʼanik xttoʼ pa rukʼaslemal.
