Chi Jesusba aseɗa

¿Kãare kawa panaa Jesusba aseɗa?

2. Kʉ̃risiaɗaabai Bibliaɗebena kawabiɗayudu, bari kʉ̃risiaɗayua ẽbẽrarã saka sentiɗapeɗa kʉ̃risiabadau.

 Jesusba aseɗa kĩra aseba

3. Kauwa ũriba. Ida ẽbẽradu beɗeabiba, bichidu beɗearã́ba. Ẽbẽraba mʉa mau ijãakama aaruubʉrã, maebʉrã ichi saka senti kuɓuuɗebena jaraaruubʉrã, bichi ũriwẽe kĩra koɓeerã́ba. Bichia kauwa ũri ɓuubʉrã, ẽbẽraba kawayua bichia kuitaa kʉ̃ria ɓuu ichi saka sentipeɗa kʉ̃risia kuɓuuɗebena.

4. Ẽbẽradu kʉ̃risiaba. Chi ẽbẽra ome beɗeaɗa baɗa kʉ̃risiapeɗa mauɗe nau siɗa kʉ̃risiaba:

1.    “¿Sakayua ichia nesita ɓuu Bibliaɗebena kawayua?”.

2.   “Ichia Bibliaɗebena kawaaruubʉrã, ¿jãu saka biʼia ɓooyu ichi baita?”.

5. Kawabiba ichia kawa kʉ̃ria ɓuuɗebena. Jaraba ichia semanacha Bibliaɗebena kawaaruubʉrã, ichia aduabai baɗa kawayua mauɗe saka ichi baita biʼia ãrĩã ɓuu kawaburuuɗebena.