JẼDA AKɄ WÃRA
Marcos 6:30-34 bayeda
YI 9
Akʉra wuabemara sãwũã sentibʉta
Testo: «Sobiaudua sobia bʼe bawarara. Jẽgaudua jẽga bʼe bawarara» (Rom. 12:15).
Jesuba odata
1. Akʉra BIDEOTA, mawũã ẽ bʉrʉ akʉra Marcos 6:30-34 bayeda. Mõbe naʉ̃ta panʉra:
¿Kʼãrẽta kʼawuapanʉ Jesuba odadeba?
2. Dayirãbara Daizeze Bedʼea awa jaradiapanʉ ẽ ẽbẽrarãra, awuarabʉrʉ wãrĩnu akʉpanʉ ãyi sãwũã sentipanʉta.
Jesude kĩrãkʼa ora
3. Kĩrãkita ũrĩra. Ẽbẽraba jarara sãwũã sentibʉta akʉza kʼãrẽ bedʼea zroma erbʉta, kĩrãkita ũrĩra. Eda bedʼeatotorãra mia ũrĩamarãra iya bʉa jarabʉde kʼãrẽ sãwũã berabarinʉmʉta, kʼãrẽ krĩchabʉta akʉza kʼãrẽ kʼarea ĩjã ẽãta. Bʉa iyi bedʼea kĩrãkita ũrĩbʉ ũdubibʉdera ũdubibʉ wãrĩnu krĩchabʉta iyira.
4. Krĩchara maʉ̃ ẽbẽrata. Maʉ̃ ẽbẽraʉ̃me bedʼeada tẽã, bʉyikʉza widira:
5. Bedʼeara iyi kʼãrẽba kʼarebaseabʉ ʉ̃rʉ. Bʉa jaradiaseabʉbʉrʉ jara ũrĩbira kʼãrẽ kʼarea Daizeze Bedʼea kʼawuaira yibiata akʉza sãwũã kʼarebaseabʉta iyira.
AKɄZA AKɄRA NAɄ̃RA TESTORATA
Rom. 10:13, 14; Filip. 2:3, 4; 1 Ped. 3:8