WEN WI GO BAK GO TAAK TU DEM
LESN 9
Shuo Dem Se Yu Fiil It Fi Dem
Sitn We Yu Kyan Riizn Pan: “Ef piipl api unu fi api wid dem, ef dem a baal unu fi baal wid dem tu.”—Ruo. 12:15.
Wa Jiizas Did Du
1. Wach di VIDIYO, ar riid Maak 6:30-34. Den ansa dem kwestiyan ya:
Wa Wi Lorn Fram Wa Jiizas Did Du?
2. Wen wi fiil it fi piipl, it shuo se wi riili kier bout dem an wi no onggl a tingk bout di gud nyuuz we wi a priich.
Du Laik Wa Jiizas Did Du
3. Lisn gud. Mek di sumadi tel yu ou dem riili fiil bout tingz. Mek dem gwaan taak an no rosh fi se notn, an no kwik fi tel dem se dem no fi fiil di wie ou dem a fiil niida. Wen yu lisn gud tu dem, dem wi get fi si se yu kier bout ou dem fiil.
4. Tingk bout di sumadi. Wen yu a tingk bout di sitn dem we yu an im taak bout, aks yuself dem kwestiyan ya:
5. Tel dem bout tingz we a-go kyan elp dem. Wen yu get di chaans, no ich fi shuo dem ou dem kyan get ansa fi dem kwestiyan dem an ou it a-go elp dem iina dem laif wen dem stodi di Baibl.
