BAI KAWAN AI LAM
Mrk 6:30-34
DAW 9
Myit Tau Ya U
Npawt Tara: “Kabu gara re ai ni hte rau kabu gara nga mu; hkrap ngu hkrap ngoi re ai ni hte rau hkrap ngu hkrap ngoi nga mu.”—Rom 12:15.
Yesu Galaw Wa Ai Lam
1. VIDEO hpe yu u, shing nrai Marku 6:30-34 hpe hti u. Lawu na ga san ni hpe myit yu u:
Yesu Kaw Na Hpa Sharin La Mai Ai Kun?
2. Hkaw tsun na matu sha n-ga, masha ni hpe lanu lahku na matu myit tau ya ai lam gaw shadut ya ai.
Yesu Hpe Kasi La U
3. Atsawm madat ya u. Kaga ni hpe shanhte a hkamsha lam tsun dan na matu ahkang jaw u. Shi a hkamsha lam, myit tsang lam, shi myit n hkrum ai lam ni hpe tsun wa yang, n kam madat ai baw hkum galaw. Atsawm madat ya ai gaw, shi a hkamsha lam hpe ahkyak shatai ai lam madun nga ai re.
4. Myit lawm ai wa a lam myit u. Shi hte tsun jahta wa ai lam ni hpe myit u. Tinang hkum tinang ndai hku san u:
-
‘Chyum Laika hkaja ai gaw, shi a shani shagu na prat hkrun lam hte htawm hpang prat a matu gara hku nna grau kaja wa shangun lu ai kun?’
5. Shi hpe karum ya lu ai lam ni hpe tsun dan u. Chyum Laika hkaja ai gaw, shi a ga san ni hpe gara hku htai ya ai lam, shi hpe tatut gara hku karum ya lu ai lam ni hpe mai byin yang alawan tsun dan u.
NDAI NI HPE MUNG YU U
Rom 10:13, 14; Hpl 2:3, 4; 1 Pe 3:8
