ត្រឡប់ទៅជួប
មេរៀនទី ៩
យល់អារម្មណ៍
គោលការណ៍៖ «ចូរអរសប្បាយជាមួយនឹងអ្នកដែលកំពុងអរសប្បាយ។ ចូរយំជាមួយនឹងអ្នកដែលកំពុងយំ»។—រ៉ូម ១២:១៥
អ្វីដែលលោកយេស៊ូធ្វើ
១. សូមមើល វីដេអូ ឬអានម៉ាកុស ៦:៣០-៣៤។ បន្ទាប់មក សូមពិចារណាសំណួរដូចតទៅ៖
តើគំរូលោកយេស៊ូបង្រៀនយើងយ៉ាងណា?
២. យើងមិនគ្រាន់តែយកចិត្តទុកដាក់ចំពោះដំណឹងដែលយើងផ្សាយប៉ុណ្ណោះទេ តែយើងក៏យល់អារម្មណ៍និងយកចិត្តទុកដាក់ចំពោះមនុស្សដែរ។
ធ្វើតាមលោកយេស៊ូ
៣. ស្ដាប់ដោយយកចិត្តទុកដាក់។ ចូរទុកឲ្យគាត់ប្រាប់អំពីគំនិតផ្ទាល់ខ្លួន។ កុំកាត់សម្ដី កុំនិយាយជំទាស់ ឬមិនខ្វល់អំពីអារម្មណ៍របស់គាត់ឡើយ។ សូមផ្ចង់ស្ដាប់គាត់និយាយ ហើយបង្ហាញថាគំនិតរបស់គាត់គឺសំខាន់ចំពោះអ្នក។
៤. សូមគិតអំពីចំណាប់អារម្មណ៍របស់គាត់។ ដោយផ្អែកទៅលើអ្វីដែលអ្នកបានសន្ទនាជាមួយនឹងគាត់ សូមសួរខ្លួនអ្នកថា៖
-
ខ. ‹តើការរៀនគម្ពីរនឹងជួយគាត់ឲ្យទទួលប្រយោជន៍យ៉ាងណាក្នុងជីវិតប្រចាំថ្ងៃ និងពេលអនាគត?›។
៥. ប្រាប់អំពីអ្វីដែលចំនឹងសេចក្ដីត្រូវការរបស់គាត់។ បើមានឱកាស សូមពន្យល់គាត់ថាការរៀនគម្ពីរអាចជួយគាត់ឲ្យរកឃើញចម្លើយដែលគាត់ចង់ដឹង និងអាចជួយគាត់ឲ្យទទួលប្រយោជន៍ជាច្រើនទៀត។
