Nyɛ Chiisu Tosa Wo

Yɛɛ Naŋ Pɛɛku yɛ Chiisu o Ba?

2. Nyɛiye mala naa miŋ buulaŋ a waŋnda, kɛ o cho ko yooŋgu naŋ cho nda dimullo kinɛi le.

 Tol Tamasi Chiisu Wo Kɔɔli

3. Yaŋ nilaŋ yekeŋ. Ke waŋndo fondaa le mbo chɔm num mɛɛ o cho sinaŋndo yɛ. Kialu ndu suɛi o sondo le. Nduyɛ pɛɛsa yiyaŋ ndɔɔ, yeemɛi nduɛi, ɔɔ laalaŋ ndɔɔ le. Te a yaŋ ndu pɛ nilaŋ yekeŋ, o cho chɔ maa a buulaŋ a ndu okɔɔ tau.

4. Yiyaŋ a wana chɔm yeemɛiyo okɔɔ. Yiyaŋ a baltaŋ nya dɔu niŋ paandu laŋ okɔɔ, okoŋ ma nyunaŋ aa:

1.    ‘Le yɛɛ o nɔ yɛ mbo sina tonyaa?’

2.   ‘Vɛɛ Baabuiyo pɛɛkoo mala yɛ ndu mbo nɔ yoomu sɔviɔɔ suŋ suŋ, vɛlɛ a siɔdii lachi kɛndɔɔ?’

5. Soo a sɔɔŋ mala ndu woŋ okɔɔ. Te la chii dɔɔ baltaŋ dɔwɔɔ pɛ, a chɔm ndu o foofoo choo mɛɛ Baabuiyo muli nyunala ndɔlaŋ, nduyɛ a mɛɛ ŋ mala ndu suŋ suŋ yɛ.