KULANDELA MUNTU
DILONGI 9
Kukitula na kisika ya bantu
Nsikudukusu: ‘Beno vuanda na kiese na bantu yina kele na kiese; beno dila na bantu yina kena kudila.’—Bar. 12:15.
Mambu yina Yesu salaka
1. Tala VIDEO, to tanga Marko 6:30-34. Na manima tadila biuvu yayi melanda:
Yinki dilongi beto mebaka na kifuani ya Yesu?
2. Kukitula na kisika ya bantu ketindaka beto na kutudila bantu dikebi, kasi na kutula kaka ve dikebi na nsangu na beto.
Landa kifuani ya Yesu
3. Kuwaka na dikebi. Pesa muntu nzila ya kutubila nge mambu yina yandi kena kukanisa. Kuzenga yandi ve to kumanga ve mbala mosi banguilu na yandi, mambu yina kena tungisa yandi, to bantembe na yandi. Kana nge kena kuwa yandi na dikebi, nge kemonisa yandi ti nge kena kutudila makanisi na yandi dikebi.
4. Kanisaka na muntu yina kena kusepela na kedika. Na kutadila masolo na beno kintuadi na yandi, kukiyuvusa:
-
‘Yinki mutindu ndongokolo ya Biblia kebongisa luzingu na yandi ya konso kilumbu mpe luzingu na yandi na bilumbu kena kuiza?’
5. Beno tubila masolo yina metadila bansatu na yandi. Kana kaka diluaku memonana, monisa yandi mutindu ndongokolo ya Biblia lenda pesa bamvutu na biuvu na yandi mpe lenda sadisa yandi na luzingu na yandi.