ຕິດຕາມ
ບົດທີ 9
ເຫັນອົກເຫັນໃຈ
ຫຼັກການ: “ໃຫ້ມີຄວາມສຸກກັບຄົນທີ່ມີຄວາມສຸກ. ໃຫ້ຮ້ອງໄຫ້ກັບຄົນທີ່ຮ້ອງໄຫ້.”—ຣມ. 12:15
ສິ່ງທີ່ພະເຢຊູເຮັດ
1. ເບິ່ງ ວິດີໂອ ຫຼືອ່ານມາຣະໂກ 6:30-34. ແລ້ວຕອບຄຳຖາມຕໍ່ໄປນີ້:
ເຮົາໄດ້ບົດຮຽນຫຍັງຈາກພະເຢຊູ?
2. ເຮົາຢາກບອກຂ່າວດີໃຫ້ຄົນຟັງ ແຕ່ເຮົາກໍຢາກຊ່ວຍເຂົາເຈົ້ານຳ.
ຮຽນແບບພະເຢຊູ
3. ຕັ້ງໃຈຟັງ. ປ່ອຍໃຫ້ຄົນທີ່ເຈົ້າລົມນຳບອກວ່າລາວຮູ້ສຶກແນວໃດ. ຢ່າເວົ້າຂັດລາວຫຼືບໍ່ສົນໃຈຕອນທີ່ລາວເລົ່າຄວາມຮູ້ສຶກ ບອກສິ່ງທີ່ລາວກັງວົນ ຫຼືສິ່ງທີ່ລາວຄິດບໍ່ຄືກັບເຈົ້າ. ເມື່ອເຈົ້າຕັ້ງໃຈຟັງລາວ ເຈົ້າກໍສະແດງໃຫ້ເຫັນວ່າເຈົ້າສົນໃຈແທ້ໆວ່າລາວຄິດແນວໃດ.
4. ຄິດເຖິງຄົນທີ່ສົນໃຈ. ລອງຄິດເຖິງເລື່ອງທີ່ເຈົ້າລົມນຳລາວ ໃຫ້ຖາມໂຕເອງວ່າ:
5. ລົມກ່ຽວກັບສິ່ງທີ່ສາມາດຊ່ວຍລາວໄດ້. ຊ່ວຍລາວໃຫ້ເຫັນວ່າການຮຽນຄຳພີໄບເບິນສາມາດຕອບຄຳຖາມຫຼາຍຢ່າງທີ່ລາວຢາກຮູ້ແລະຊ່ວຍລາວໄດ້ແທ້ໆ ໃຫ້ເຮັດແບບນີ້ໄວທີ່ສຸດເທົ່າທີ່ຈະເປັນໄປໄດ້.