WIˈIXË JÄˈÄY NIJËMBIJTËM
LEKSION 9
Nˈokjaygyujkëm wiˈix ja jäˈäy nyayjyawëty
Biiblyë jyënaˈany: “Xondäˈäktë mët ja diˈibë xondaktëp. Pujëy puyääxë diˈibë jëëy yaxtëp” (Rom. 12:15).
¿Ti tyuunë Jesus?
1. Ixë BIDEO o käjpxë Markʉs 6:30-34, ets winmay mëdiˈibë yä yajtëëpy:
¿Ti xytyukniˈˈijxëmë Jesusë yˈijxpajtën?
2. Ko njaygyujkëm wiˈix ja jäˈäy yaˈixy yajpääty, ta nbaˈˈayowäˈänëm ets kyaj jeˈeyë nëjkx ndukmëtmaytyakëm ja Dios yˈayuk.
Panëjkxë Jesusë yˈijxpajtën
3. Mëdoowˈit wiˈix ja jäˈäy mëtmaytyaˈagyëty. Waˈan ja jäˈäy tnimaytyaˈaky wiˈix nyayjyawëty, kyaj netyë xyjyëjpkugäjpxët, mëdoowˈit yajxon wiˈix wyinmay ets ti myëmaapy myëdajpy. Ko duˈun xytyunët, ta tpëkäˈänyë kuentë ko mjantsy nyijawëyaambyën wiˈix nyayjyawëty.
4. Mmëmay mmëdäj ja jäˈäy. Jamyats ti mëët të xynyimaytyaˈaky ets winmay:
-
“Ko taabë jäˈäy tˈëxpëkëdë Biiblyë, ¿wiˈix agujk jotkujk yajpäädäˈäny duˈun tyam ets mä tiempë myiny kyëdaˈaky?”.
5. Ix ti mbäät xytyukmëtmaytyaˈaky. Tukmëtmaytyäˈäk ja jäˈäy wixaty pyudëkëyaˈanyëty ko tˈëxpëkëdë Biiblyë ets tijaty nyijawëyaampy.
