OKSEJPA XTEITATI
TLAMACHTIJLI 9
Xteasikamati
Tlen Biblia kijtoua: “Xpakikan inuan on yejuan pakij, niman xchokakan inuan on yejuan chokaj” (Rom. 12:15).
Tlen okichiuj Jesús
1. Xkita VIDEO noso xkamapoua Marcos 6:30-34. Tla ijkon yotikchiuj, aman xkinnankili yejuin:
¿Tlenon tiuelij itech ken Jesús okichiuj?
2. Ijkuak titeasikamatij, tikteititiaj ika yemelak tajmanaj ipampa tlaltikpakchanejkej niman xsan tikinmachtisnekij.
Xchiua ken Jesús
3. Kuajli xtekaki. Xkauili matlajto tlaltikpakchane niman maka xtlajtolkotona. Kuajli xkakto ijkuak mitsijlis tlenon kinemilia, kenijki nomachilia niman tlenon kajmana. Tla kuajli tikaki, yejua kitas ika yemelak tikmatisneki tlen yejua kinemilia.
4. Xtlanemili ipan tlaltikpakchane. Xtlanemili itech tlen yonentlajtokaj niman xmotlajtolti:
5. Xkititi itlaj tlen makipaleui. Nimantsin xkititi kenijki tla nomachtia Biblia, kasikamatis tlen notlajtoltia niman kenijki kipaleuis ipan inemilis.