MUFULI MUFALUKHAISI
FAMAHAʼÖ 9
Foʼameʼegö Tödö
Goi-goi: ”Miʼomusoiʼö dödömi awö zomuso tödö, ba miʼege-ege awö zege-ege.”—Rom. 12:15.
Hadia Nifalua Yesu?
1. Faigi VIDEO, mazui baso Mareko 6:30-34. Aefa daʼö, angeragö wanofu-nofu daʼa:
Hadia Wamahaʼönia Khöda?
2. Börö me taʼameʼegö tödö niha böʼö, andrö wa omasi ita ba wanolo yaʼira, tenga ha asala no tafaʼema khöra duria somuso dödö.
Oʼö Yesu
3. Haogö Fondrondrongo. Beʼe khönia ginötö ba wanutunö ösi dödönia. Böi alio-liokö wanaba talu huhuonia mazui öʼaohasi ba dödö nidunö-dunönia. Na öhaogö wamondrondrongo huhuonia, faduhu dödönia khöu wa öʼameʼegö tödö ia.
4. Angeragö niha nifalukhaisimö. Moroi ba nidunö-dunömi barö-barö daʼa, sofu khöu samösa:
-
ʼNa ifahaʼö ia ba Zura Niʼamoniʼö, hadia mbörö wa tola itugu sökhi waʼaurinia iadaʼa hegöi ba zi so miföna?’
5. Tutunö hadia zi möi fanolonia. Böi taha-taha fatunö khönia na ifahaʼö ia ba Zura Niʼamoniʼö, tola isöndra wanema li ba wanofu-nofunia ba tola itugu sökhi lala waʼaurinia.
