ISI MUBAGHILE UKUBOMBA
IKIMANYILO 9
Mubinong’oneleghe Abangi
Ilemba: “Amusekeleghe nabo aba bikusekela, mulileghe nabo aba bikulila.”—Rom. 12:15.
Isi Yesu Abombile
1. Ketelela IVIDIYO, pamo belenga Marko 6:30-34. Ukufuma apo mwinong’onelepo amalalusyo aghakukongapo agha:
Ngimba Tukumanyilako Isyafiki kwa Yesu?
2. Tukubafumukisya abandu amasyu amanunu panongwa yakuti tukulonda ukubatula.
Tunkongeghe Yesu
3. Tupilikisyeghe kanunu. Tumwitikisyeghe umundu ukuyoba muno ikwipilikila na isi ikwinong’ona. Tungansofaniagha linga ikulingania muno ikwipilikila ni ndamyo isi ikwaghana nasyo. Linga mukumpilikisya kanunu mukunangisya ukuti mukumpasikisya.
4. Muyeghe na kabalilo akakumwinong’onela uyu mukumanyila nawe. Ukufwana na muno mukumanyilila nawe amwilalusye ukuti:
-
‘Ngimba ukumanyila Ibaibolo kubaghile ukuntula bulebule ukuti ubumi bwake lino kangi na nkyeni buye bununu?’
5. Muyobesanieghe ifindu ifi fibaghile ukuntula. Mwanakalinga munnangisye muno ukumanyila Ibaibolo kubaghile ukwamulila amalalusyo ghake kangi muno kubaghile ukuntulila munjila isingi.
