Ye so Jésus asara lani

Tapande ti Jésus afa na e nyen?

2. Tongana e zia terê ti e na place ti azo, a yeke pusu e ti gi ti aidé ala nga ti fa tënë na ala.

 Sara ye tongana Jésus

3. Mä azo nzoni. Zia lege na zo ni ti fa atënë ti bê ti lo. Fâ tënë na yanga ti lo ape wala sara pëpe sanka ti atënë ti bê ti lo, agingo bê ti lo wala tënë so lo tene ti kanga lege na lisoro ni. Tongana mo mä lo nzoni, mo yeke fa so mo bâ na nene ni atënë so lo tene.

4. Gbu li na ndö ti zo so asara nzara ti tënë ni. Ti gue oko na lisoro so mo na lo asara lani, hunda terê ti mo:

1.    ‘Ngbanga ti nyen la lo bezoin ti mä tâ tënë?’

2.   ‘Tongana nyen la mandango Bible ayeke sara si gigi ti lo ti lâ oko oko nga na gigi ti lo ti kekereke aga nzoni mingi?’

5. Sara tënë ti aye so apeut ti aidé lo. Fa na lo hio tongana nyen la mandango Bible apeut ti kiri tënë na ahunda ti lo nga apeut ti aidé lo.