FAANA GANA
ROSO 9
Mararro
Xintu seera: “Hagiidhitannori ledo hagiidhe; wiˈlitannori ledo wiˈle.”—Rom. 12:15.
Yesuusi Assinore
1. VIIDIYO laˈe; woy Maarqoosi 6:30-34 nabbabbe. Hakkiinni, aante noo xaˈmuwa hiince:
Yesuusi Assinorinni Maa Ronseemmo?
2. Mararro, dudumbeemmo sokka calla heda agurre manna kaaˈlate kaˈneemmo gede assitannonke.
Yesuusi Faale Hadhe
3. Seekkitine macciishshe. Manchu giddosita fushshe coyiˈranno gede asse. Coyiˈranna mereero eˈinoonte; woy hedosi, yaaddosi, woy dhiwinosire lashshi assitine saˈinoonte. Seekkitine macciishshaˈne, hedosi ayirrissinannita leellishshanno.
4. Hasatto noosi manchi daafira hedde. Hasaabbinoonni hasaawa heddinanni togo yitine kiˈneneeto xaˈme:
5. Isira hasiissanno mashalaqqe kullesi. Dandaamiro mulenni, Qullaawa Maxaafa xiinxalliro xaˈmosira dawaro afiˈranno garanna heeshshosira kaaˈlitanno amaale afiˈranno gara leellishshesi.