GOBAKA
WOTO 9
Lei taa i ta fii da sëmbë
Mama wëti: „Ee i si wan sëmbë ta wai, nöö wai ku ën e. Ee i si wan sëmbë ta këë, nöö këë ku ën makandi.”—Lom. 12:15.
Andi Jesosi bi du?
1. Luku di FËLÖN, nasö lesi Maikusi 6:30-34. Baka di dë, nöö i buta pakisei a dee soni aki:
-
Faandi mbei Jesosi ku dee bakama fëën bi kë „go dë de wanwan”?
-
Andi bi da Jesosi taanga faa lei dee sëmbë soni?
Andi u ta lei a Jesosi?
2. Te u ta fii da sëmbë, nöö na soni u di bunu buka nöö woo kë konda da de, ma woo ta booko u hedi ku de tu.
Djeesi Jesosi
3. Haika bunu. Da di sëmbë pasi faa konda unfa a ta si wan soni. Na koti hën buka te a ta fan. Haikëën bunu te a ta taki u di fasi fa a ta fii, u dee soni dee ta toobi ën, nasö u dee soni dee an ta kai ku ën. Te i ta haikëën bunu, nöö i ta lei taa i ta booko i hedi ku di fasi fa a ta pakisei.
4. Pakisei soni u di sëmbë go dou. Te i luku dee soni dee i ku ën taki, nöö hakisi iseei dee soni aki:
-
’Faandi mbei a musu jei soni u di tuutuu lei?’
-
’Unfa di lei di a o ta lei soni u Bëibel sa heepi ën a di libi fëën nöunöu kaa, söseei faa sa feni wan möön bunu libi bakaten?’
5. Taki soni di sa heepi ën. Lei ën unfa di lei di a o ta lei soni u Bëibel sa heepi ën faa ko sabi dee fanöudu soni dee a kë ko sabi, söseei unfa a sa heepi ën a woto soni. Na biabia u du di soni aki.
