Mulongongi Lisungu

JULANI

Mulongongi Lisungu

Fundu ya mu Bayibolu: “Kondwani ndi wo akondwa. Liyani ndi wo aliya.”—Aro. 12:15.

Vo Yesu Wanguchita

VIDIYO: Yesu Walenge Lisungu Chigulu cha Ŵanthu

1. Woneriyani VIDIYO, pamwenga ŵerengani Mariko 6:30-34. Pavuli paki ŵanaŵaniyani mafumbu yanga:

Ntchifukwa wuli Yesu ndi akusambira ŵaki ‘anguluta kwakuŵija’?
Ntchinthu wuli cho chingumuchitiska Yesu kusambizga chigulu cha ŵanthu?

Kumbi Tisambiranji Kwaku Yesu?

2. Lisungu lititiwovya kuti tiŵanaŵaniyengi ŵanthu, mumalu mwakuŵapharazgiya waka.

Muyezgengi Yesu

3. Tiŵavwisiyengi mwakuphwere. Muvwisiyengi asani munthu yo watikukambiyani mo wavwiya. Mungamudumuwanga cha asani wakonkhoska mo wavwiya, vo wafipa navu mtima pamwenga asani wasuska. Mungalongo kuti mutimuŵanaŵaniya asani mutimuvwisiya.

4. Mulongongi kuti mutimuŵanaŵaniya. Kutuliya pa vo musambira nayu, jifumbeni kuti:

‘Ntchifukwa wuli wakhumba kuziŵa uneneska?’
‘Kumbi kusambira Bayibolu kumuwovyengi wuli paumoyu waki wa zuŵa ndi zuŵa kweniso kunthazi?’

5. Mumukambiyengi vo vingamuwovya. Mungasweranga cha kumukambiya mo kusambira Bayibolu kungamukiya mafumbu ngo wenangu, kweniso mo kungamuwovye mu nthowa zakupambanapambana.

WONANISO

Aro. 10:13, 14; Afi. 2:3, 4; 1 Petu. 3:8

MUYANJENGI ŴANTHU KUTI AJE AKUSAMBIRA