KUPILUKILA
CIIYO 9
Lweetelelo
Njiisyo: “Amukondwe abaabo bakondwa; amulile abaabo balila.”—Rom. 12:15.
Ncaakacita Jesu
1. Amweebelele VIDIYO, naa kubala Marko 6:30-34. Mpoonya mubandike mibuzyo iitobela:
Ncinzi Ncotwiiya Kuli Jesu?
2. Lweetelelo lupa kuti katubabikkila maano bantu, kutali kubikkila buyo maano kumulumbe wesu.
Amumwiiye Jesu
3. Amuswiilile cakubikkila maano. Amumuzumizye muntu kumwaambila bwini mbwalimvwa. Mutamunjili mukanwa naa kumukasya kutondezya mbwalimvwa naa kwaamba zintu zimulibilisya. Ciindi nomuswiilila cakubikkila maano, mutondezya kuti mulaibikkila maano mizeezo yakwe.
4. Amumuyeeye muntu uuli aaluyandisisyo. Kweelana amubandi ngomwakajisi anguwe, amulibuzye kuti:
-
‘Ino mbuti kwiiya Bbaibbele mbokukonzya kupa kuti buumi bwakwe bwabuzuba abuzuba alimwi abwakumbele bubote?’
5. Amubandike kujatikizya zintu zikonzya kumugwasya. Mbomwatalikila buyo kwiiya, amumutondezye kwiiya Bbaibbele mbokukonzya kwiingula mibuzyo njajisi alimwi ambwakonzya kugwasyigwa munzila zyacigaminina.