KUGARUKIRA OMUNTU OW’OTEBIIZE
ISOMO 9
Saalirirwa Abandi
Omusingi: “Musemererwe hamu nabo abanyakusemererwa; murre hamu nabo abanyakurra.”—Bar. 12:15.
Omulingo Yesu Yakikozeremu
1. Rora VIDIYO, rundi soma Marako 6:30-34. Hanyuma ogarukemu ebikaguzo binu:
Kiki Ekiturukwegera Hali Yesu?
2. Kusaalirirwa abantu kitwekambisa kubafaaho hatali kubagambira obutumwa bwaitu kyonka.
Yegera Hali Yesu
3. Huliiriza kurungi. Leka omuntu akugambire ekyarukutekereza n’omulingo arukwehurra. Otamucwa akalimi rundi kwehugya ebyarukukugambira rundi omulingo arukwehurramu. Obwohuliiriza kurungi ow’orukubaza nauwe, kyoleka ngu n’ofaaho entekereza ye.
4. Tekerezaaho ow’orukubaza nauwe. Kusigikirra nk’oku mutaaha nimubaza, wekaguze:
-
‘Kwega Baibuli nikisobora kumukonyera kita kuba n’obwomeezi oburungi hati, n’obusumi obw’omumaiso oburungi?’
5. Bazaaho ebintu ebisobora kumukonyera. Nimukyatandika kwega, mwoleke omulingo Baibuli esobora kumukonyera n’omulingo esobora kugarukamu ebikaguzo ebyaine.
