Te bin la spas te Jesús

¿Bin ya yakʼ jnoptik te bin la spas te Jesús?

2. Kʼalal ya xkʼot ta koʼtantik te bin yaʼiyel ya yaʼiy sbaik te ants winiketik, ma jaʼuknax ya jcholbeytik skʼop Dios, jaʼnix jich ya jkoltaytik.

 Nopbeya stalel te Jesús

3. Chʼama awaʼiy te skʼope. Te kʼalal yak ta kʼop-a te ants winik, ma xa akombey te skʼope. Ichʼa ta wenta teme ay bin ya yalbat te ants winik o ay bin ya smel yoʼtan yuʼun. Teme ya achʼam awaʼiy te bin ya yalbate, jichme ya sta ta ilel te ay skʼoplal ta awoʼtan.

4. Ayuk skʼoplal ta awoʼtan. Juluk ta awoʼtan te bin yalojbat sok jojkʼoybeya aba:

1.    «¿Bin yuʼun ya skʼan ya kakʼbey snop te skʼop Dios?».

2.   «¿Bin lekilal ya sta ta ora ini sok ta pajel chaʼbej teme ya snop te Biblia?».

5. Jaʼ xa awakʼbey snop te bin ya xtuun yuʼun. Akʼbeya yil ta oranax te ya xjuʼ ya xkoltayot ta skuxlejal sok te ya stabey sujtib te jojkʼoyeletik yuʼun teme ya snop te Biblia.