LEKISA ONJONGOLE
OCIPAMA 9
Poku Lekisa Ocikembe
Ocisonehua: “Yoleli lava va yolela; lili lava va lila.”—Va Rom. 12:15.
Ceci Yesu a Linga
1. Tala OVIDEO, ale tanga Marko 6:30-34. Noke tambulula apulilo a kuãimo:
Nye tu Lilongisila ku Yesu?
2. Ocikembe ci tu vetiya oku kapako omanu okuti, ka tu va kundila lika esapulo lietu.
Setukula Yesu
3. Yevelela lutate. Ecelela okuti omunu o situlula ovisimĩlo viaye. Ku ko tete kondaka, ale oku nyehũla lonjanga ovisimĩlo viaye, asakalalo, ale atatahãi aye. Nda o yevelela lutate, omunu o limbuka okuti wa kapako ovisimĩlo viaye.
4. Sokolola komunu wa lekisa onjongole. Poku kunamẽla kolombangulo wa kuata laye, lipula ndoco:
5. Vangula ovina vi likuata lasukila omunu. Loku teta onimbu, lekisa ndomo elilongiso Liembimbiliya li tambulula apulilo aye kuenda oku u kuatisa kolonepa vikuavo.