ZAARETTI OYCHCHIYOGAA
TIMIRTTE 9
Qaretaa
Geeshsha Maxaafaa Maaraa: “Ufaittiyaageetuura ufaittite; yeekkiyaageetuurakka yeekkite.”—Roo. 12:15.
Yesuusi Oottidobaa
1. BIIDUWA beˈa, woy Marqqoosa 6:30-34 nabbaba. Yaatada, kaallidi deˈiya oyshata akeeka:
Yesuusappe Ay Tamaariyoo?
2. Qarettiyogee, nuuni asawu mishiraachchuwa yootanaadan oottiyogaa xalla gidennan, eta maaddanaadankka denttettees.
Yesuusa Milata
3. Akeekan ezgga. Ne haasayissiyo uri bawu siyettiyabaa qonccissanaadan ootta. I haasayiyo wode kelttiya geloppa; I ba qofaa, bawu siyettiyabaa, woy I maayettennabaa yootiyo wode sohuwara esissoppa. I yootiyobaa loytta ezggiyogan, neeni awu wozanappe qoppiyogaa I akeekanaadan ootta.
4. Siyanawu koyida uraabaa qoppa. Neeni aara haasayidobaappe denddada nena hagaadan oychcha:
-
‘Geeshsha Maxaafaa xannaˈiyogee A deˈoy ha wodiyaninne sinttappe ufayssiyagaa gidanaadan waati maaddii?’
5. He ura maaddiyabaa yoota. Geeshsha Maxaafaa xannaˈiyogee I ba oyshaa zaaruwa demmanaadaaninne hara ogetun goˈettanaadan A maaddiyo ogiya, danddayettikko sohuwara qonccissa.