PAGBALIK-BISITA
LEKSYON 9
Empatiya
Prinsipyo: “Pagrayhak kamo upod han mga nagrarayhak; pagtangis upod han mga nagtatangis.”—Roma 12:15.
An Ginbuhat ni Jesus
1. Kitaa an VIDEO, o basaha an Marcos 6:30-34. Katapos, batona an masunod nga mga pakiana:
-
Kay ano nga karuyag ni Jesus ngan han iya mga apostol nga kumadto ha usa nga lugar nga “hira la”?
-
Ano an nagpagios kan Jesus nga tutdoan an mga tawo?
Ano an Aton Mahibabaroan kan Jesus?
2. Karuyag naton isangyaw an maopay nga sumat ha mga tawo pero karuyag ta liwat hira buligan.
Subara hi Jesus
3. Pamati hin maopay. Tuguti an imo kaistorya nga iyakan an iya ginhuhunahuna. Ayaw pagsagbang o igbalewaray dayon an iya inaabat, kabaraka, o pagriwa. Kon namamati ka hin maopay, ginpapakita mo nga importante ha imo an iya ginhuhunahuna.
4. Hunahunaa an interesado. Base ha imo pakiistorya ha iya, pakianhi an imo kalugaringon:
-
‘Kay ano nga kinahanglan niya mabatian an kamatuoran?’
-
‘Paonan-o an pag-aram ha Biblia makakabulig ha iya adlaw-adlaw nga pagkinabuhi ngan makakahatag hin mas maopay nga kabubuwason?’
5. Isumat an mga butang nga makakabulig ha iya. Kon posible, ipakita dayon ha iya kon paonan-o an pag-aram ha Biblia makakabaton han iya mga pakiana ngan makakabulig ha praktikal nga paagi.
