შხვეფიშ მდგომარეობაშა მიშულა

რჩქილა

პრინციპ ბიბლიაშე: „ოხიოლნან თინეფწკუმა ხიოლ გიღდან, ინგარან თინეფწკუმა, ინგარით“ (რომ. 12:15).

იესოშ მაგალით

ᲕᲘᲓᲔᲝ „იესოს ეცოდ ანაყუ ხალხიქ“

1. ქუჯინ ᲕᲘᲓᲔᲝᲡ ვარდა წეკითხ მარკოზიშ 6:30—34. უკულ დეფიქრ თუდო მოჩამილ კითხვეფშე:

ა) მუშენ ოკოდეს იესო დო თიშ მოწაფეეფს ხვალე დოსქილადა?
ბ) მუქ აღძრჷ იესო, დაგურუკო ხალხის?

მუშ გურაფა შეილებ იესოშე?

2. შხვაშ მდგომარეობაშა მიშულა გოხვარ, ხვალე გინოჩანქინ თი ცნობაშე ვარინ, ხალხშე ხოლო იფიქრე.

მიაჸუნ იესოშ მაგალითის

3. ქურჩქილ ყურადღებათ. ქიმეჩ პიროვნებას საშვალება, თავისფალო გეგმოხანტას მუშ აზრეფ. ვემშაჭკირა ჩიებას დო ვართ უყურადღებოთ დიტუა, მუჟამსით მუშ გრძნობეფს დო ოწუხებელს გიმოხანტუნს ვარდა საწინააღმდეგო აზრის იჩიებ. ყურადღებათ მორჩქილაფათ ოძირანქ, ნამდა მთელ გურით გოინტერეს, მუს ფიქრენს თინა.

4. იფიქრ დაინტერესებულშე. დეფიქრ სქან ჩიებაშე დო ქოკითხ სქან დუდის:

ა) მუშენ ოსაჭირ თის ჭეშმარიტებაშ გაგება?
ბ) მუჭო დოთირანს ბიბლიაშ გურაფა თიშ ირდღაშიან ცხოვრებას დო მომავალს უჯგუშობაშა?

5. ქეჩი თი საკითხეფშე, ნამუთ მეხვარებ. მუთ შილებე მალას ქაძირე, მუჭო შეულებ ბიბლიაშ გურაფაშ დროს მუშ კითხვეფშე პასუხეფიშ მეღება დო პრაქტიკულო ქიმეხვარ თის.

ᲥᲝᲫᲘᲠ ᲗᲔ ᲛᲣᲮᲚᲔᲤ ᲮᲝᲚᲝ

(რომ. 10:13, 14; ფილ. 2:3, 4; 1 პეტ. 3:8)

ᲒᲘᲸᲝᲠᲓᲐს ᲐᲓᲐᲛᲘᲐᲜᲔᲤ — ᲛᲐᲛᲖᲐᲓ ᲛᲝᲬᲐᲤᲔᲔᲤ