ATENDEJE MAULENDO GAKUWILISYA
LIJIGANYO 9
Aŵeje Ŵachanasa
Lilemba: “Msangalaleje ni ŵele ŵakusangalala, soni mlileje ni ŵele ŵakulila.”—Alo. 12:15.
Yaŵatesile Yesu
1. Alolele FIDIYO, kapena aŵalanje Maliko 6:30-34. Kaneko ajanje yiwusyo ayi:
Ana Yaŵatesile Yesu Yikutujiganya Chichi?
2. Chanasa chikusatutendekasya kuti twalalichileje ŵandu ngani syambone nambosoni kwakamuchisya.
Amsyasyeje Yesu
3. Apikanileje mwakusamala. Amkundeje mundujo kuti asale nganisyo syakwe. Akamkataga maloŵe pakuŵecheta soni akasisyaga nganisyo syakwe, nambosoni amanyilileje yakusawusya yakusimana nayo. Naga tukumpikanila mwachidwi, yichimkamuchisya jwalakwe kumanyilila kuti tukusachimbichisya nganisyo syakwe.
4. Aganichisyeje mnope ya mundu jwalosisye chidwi. Kutyochela payindu yakambilene ni mundujo, aliwusye kuti:
-
‘Ligongo chichi jwalakwe akusaka kulijiganya Maloŵe ga Mlungu?’
-
‘Ana kumjiganya Baibulo mpaka kuchenje chamtuli umi wakwe soni ana mpaka kumkamuchisye chamtuli kuti akole sogolo jambone?’
5. Amsalileje yindu yampaka yimkamuchisye. Akachelewaga kumlosya mwatukusatendela lijiganyo lya Baibulo. Soni amsalile kuti pakulijiganya mpaka apate kwanga kwa yiwusyo yakwe soni kuti lijiganyo mpaka limkamuchisye mmatala gejinji.
