BIʼNIʼ REVISITA
LECCIÓN 9
Biʼniʼ sentir ni cayuni sentir binni
Principiu stiʼ Biblia: «Laguiechené ca ni nuu nayecheʼ; laguunané ca ni cayuunaʼ» (Rom. 12:15).
Ni biʼniʼ Jesús
1. Biiyaʼ VIDEU RIʼ o biindaʼ Marcos 6:30-34. Despué guníʼ ique ni ná ca pregunta riʼ:
¿Xi rusiidiʼ ejemplu stiʼ Jesús laanu?
2. Ora runi sentirnu ni cayuni sentir binni, rizaaláʼdxinu laacaʼ ne cadi rininésinu laacaʼ de mensaje ni zinenu.
Yenanda ejemplu stiʼ Jesús
3. Bicaadiaga chaahuiʼ. Bidii lugar guiníʼ binni ca ne cadi gucueezaluʼ laabe. Pa cayábibe lii ximodo cayuni sentirbe ne xi naguu xizaa laabe, bicaadiaga chaahuiʼ laabe. Purtiʼ pa gúniluʼ ni la? zudii binni ca cuenta dxandíʼ peʼ rizaaláʼdxiluʼ laa.
4. Guníʼ ique xi caquiiñeʼ binni ca. Bietenalaʼdxiʼ de ni guníʼneluʼ laabe ne guníʼ ique:
5. Biquiiñeʼ información ni zacané binni ca. Gudxi laabe pa guni estudiarbe Biblia la? zacané ni laabe ne zacabi ni ca pregunta ni nápabe.