KONY DANO ME DOKO LUPWONNYE
PWONY ME 10
Mok Tammi me Konyo Dano
Cik ma iye lac: “Nene pe wamito miyo botwu lok me kwena maber keken ma oa ki bot Lubanga, ento kadi wan kikomwa dong watyeko mine woko botwu, pien wamarowu dok piwu tek botwa twatwal.”—1 Tec. 2:8.
Gin ma Yecu Otimo
1. Nen VIDIO, nyo kwan Jon 3:1, 2. I nge meno, tam i kom lapeny magi:
-
Pingo itamo ni Nikodemo ocito ka limo Yecu i dyewor? —Nen Jon 12:42, 43.
-
Yecu onyuto nining ni emoko tamme me konyo dano me doko lupwonnye?
Pwony Ango ma Wanongo ki Bot Yecu?
2. Wanyuto ni wamaro dano ka wamoko tamwa me konyogi me doko lupwonnye.
Lub Lanen pa Yecu
3. Wukwan i cawa ki kabedo ma latin kwanni me Baibul oyero. Twero bedo ni en mito nino moni nyo cawa moni. Tika en nongo ni etye agonya me kwan ki i gang ticce, pacone, nyo ki i kabedo ma guro wi lwak? Ka twere, lok yubbi wek wukwan i cawa ki kabedo ma rwatte ki mitine.
4. Wukwan labongo keng. Ka ce ibibedo pe, pe ingol yub me kwanwu woko. Me ka meno, tam i kom lapeny magi:
-
Tika itwero kwan ki latin kwan man i cawa mapat i cabit meno?
-
Tika wutwero kwan kun wutiyo ki cim nyo ma wukubbe ki vidio?
-
Tika itwero penyo latit kwena mukene me kwan ki latin kwanni?
5. Leg pi bedo ki neno ma atir. Leg Jehovah wek okonyi pe me ilo cingi i kom latin kwanni, kadi bed en keng kwan i cabit mogo, nyo tero kare me keto i tic gin ma en opwonyo. (Pil. 2:13) Nen calo latin kwanni tye ki kit mabeco mapol; leg pi kony me keto cwinyi i kom kite magi.
