ӰРЕНЧИКТЕР БЕЛЕТЕГЕР
10 УРОК
Болужарга белен болоры
Библиялык принцип: «Слерге... јӱк ле Кудайдыҥ сӱӱнчилӱ јарын айдарга эмес, бойысты да берерге кӱӱнзегенис, нениҥ учун дезе слерди тыҥ сӱӱй бергенис» (1 Фес. 2:8, ЈТ).
Иисус нени эткен?
1. ВИДЕО кӧрӱгер эмезе Иоанн 3:1, 2 кычырыгар. Оноҥ бу сурактарды шӱӱп сананыгар:
-
а) Канайып сананадаар, нениҥ учун Никодим Иисуска тӱнде келген? (Иоанн 12:42, 43 кӧрӱгер.)
-
б) Бу учуралдаҥ Иисуска ӱренчиктер белетеери јаан учурлу деп недеҥ кӧрӱнген?
Иисустаҥ неге ӱренедис?
2. Улусты сӱӱп турзаас, олорго Христостыҥ ӱренчиктери болуп калзын деп болужарга сӱреен тыҥ албаданарыс.
Иисустаҥ тем алыгар
3. Эптӱ ӧйдӧ лӧ эптӱ јерде ӱренигер. Кижиге јӱк ле кандый бир кӱнде эмезе ӧйдӧ ӱренерге эптӱ болуп турган болор бо? Ого кайда ӱрензе јакшы болор: иште, айылда эмезе кӧп улусту јерлерде бе? Кижиге болуп, графигерди солыырга белен болугар.
4. Ӱредӱни улам сайын ӧткӱригер. Куучындажып алган ӧйӧӧрдӧ ӱредӱни ӧткӱрерге келишпей турза, мындый аргалар бар:
5. Иегованаҥ чын кӱӱн-санаа сурагар. Ӱредӱ улам сайын болбой турза эмезе кижи библиялык јӧптӧрди тузаланбай турза, чӧкӧбӧскӧ Иегованаҥ болуш сурагар (Флп. 2:13). Мындый айалгада кижиниҥ јакшы кылык-јаҥдарына ајару эдери болужат. Оныҥ учун бу јанынаҥ Иеговага мӱргӱгер.
