JESUSAN DISCIPULOPÄPJJAÑAPATAK YANAPTʼAM
10 YATICHÄWI
Jesusan discipulopäpjjañapatak yanaptʼañwa amtañasa
Bibliajj akham siwa: “Janiw Diosan suma yatiyäwinakap yatiyañak amtapkayätti, jan ukasti jumanakar yanaptʼañatakejj vidanakaj churañsa amtapjjarakiyätwa, jumanakar wal munasipjjataj layku” (1 Tes. 2:8).
Kunsa Jesusajj luräna
1. VIDEO uñtäta, jan ukajj Juan 3:1, 2 liytʼäta. Ukatsti, aka jisktʼanakaruw qhanañchtʼäta:
-
¿Kunatsa Nicodemo chachajj Jesusan ukar arumaki sarpachäna? (Juan 12:42, 43 liytʼäta).
-
Arumäkchïnsa Jesusajj Nicodemo chachamp parlañatakejj tiempo apsusïnwa, ¿kunjamsa ukajj jupan discipulopar tukuyañ munatap uñachtʼayäna?
¿Kunsa Jesusat yateqassna?
2. Jaqenakarojj wal munastanjja, ukatwa Jesusan discipulopar tukupjjañapatak yanaptʼañ muntanjja.
Jesusat yateqasim
3. Yateqerimajj kuna horarusa, kawkinsa Bibliat yateqañ munaspa ukarjamaw yatichañama. ¿Kunürusa jan ukajj kuna horarus jupajj yateqañ muni? ¿Kawkjansa jupajj yateqañ munaspa: trabajopana, utapana jan ukajj yaqha cheqancha? Kuna horarus yateqerimajj Bibliat yateqañ muni ukarjamaw tiempo apsusiñama.
4. Yateqeriman sapa semana yateqañapatakiw yanaptʼañama. Jumatï jan tiemponikäta ukhajja, janiw ukhamak yateqerimar jaytañamäkiti. Akanakwa lurasma:
5. Yatichañ munaskakiñatakiw Jehová Diosar orasiñama. Yateqerimatï sapa semana jan tiempo apsuskchi jan ukajj kuntï yateqki ukarjam lurañajj jupatak chʼamächi ukhajja, yateqerimar yatichañ munaskakiñamatakejj Jehová Diosaruw yanaptʼa mayiñama (Filip. 2:13). Yateqerimajj kunja suma chuymanisa ukanak uñjañatakiw Jehová Diosar yanaptʼa mayiñama.
