YILHA BÔT BANIGIL
YIGIL 10
Boñ biliya i yilha bôt banigil
Litiñ: “Di bi kit le di nlama ndigi bé añle bé ñañ nlam u Nyambe, ndi le di ti yak bé biniñ gwés gwomede, inyule ni bi yila bôt le di ngwés ngandak.”—1 Tésalônika 2:8.
Kii Yésu a bi boñ
1. Béñge VIDÉÔ, tole añ Yôhanes 3:1, 2. I mbus, timbhe mambadga mana:
-
Inyuki Nikôdémô a bi yéñ tehe Yésu ni juu?—Béñge Yôhanes 12:42, 43.
-
Mu kiki a bi kwel ni Nikôdémô ni juu, lelaa Yésu a bi unda le makidik mé ma bé le a yilha bôt banigil?
Kii ndémbél i Yésu i niiga bés?
2. Di ñunda le di ngwés bôt i ngéda di nyoñ makidik ma ngui i hôla bo i yila banigil.
Kôna Yésu
3. Nigil i ngeñ ni i homa nnigil a mpohol. Baa a gwé ngim kel tole ngim ngeñ i tôbôtôbô a gwé ngôñ i nigil ikété sonde? Baa a ngwés nigil i homa wé bôlô, i ndap yé, tole homa numpe? Ibale hala a nla bôña, héñha ntjega woñ inyu noñ kel ni ngeñ a nti we.
4. Ni nigil hiki sonde. Ibale u nla bé ba ha i kel a bi pohol, u pala bañ kal nye le ni ga la bé nigil. Wan ndugi mambadga mana:
5. Soohe inyu bana litehge lilam. Bat Yéhôva le a hôla we i téñbe ni ngôñ yoñ i yilha nye nnigil, to ibale a nigil bé hiki ngéda, tole a nhoo bé noñ maéba ma Bibel. (Filipi 2:13) Nnigil woñ a gwé ngandak bilem bilam, soohe Yéhôva inyu bok mahoñol moñ mu, he bé bibomb gwé.
