BO’O BÔTE BEYÉ’É
AYÉ’É 10
Va’a ngule ya bo bôte beyé’é
Ñye’elan: “Bi nga ve ngule jangan ése, na bi kañete mia mbamba foé Zambe, a na bi ve mia binyiñe biangan amu bia nyane mia abui.”—1 Thes. 2:8.
Jame Yésus a nga bo
1. Yene’e VIDÉO, nge ke na lañe’e Jean 3:1, 2. Mvuse ya valé fase’e minsili mi:
-
Wo simesane na Nicodème a mbe a kele’e yene Yésus alu amu jé?—Fombô’ô Jean 12:42, 43.
-
Yésus a mbe a laan a Nicodème alu. Aval avé jam éte da liti na a mbe a va’a ngule ya bo bôte beyé’é?
Éve’ela Yésus ja ye’ele bia jé?
2. Bia liti na bia nye’e bôt éyoñe bia ve ngule ya bo be beyé’é.
Bo’o ane Yésus
3. Bo’o ayé’é awolo a vôme môte mia nye mia yé’é a top. A ne kômbô yé’é ngume môs éziñe sondô nge ke ngum awolo éziñe môs. Ye nalé a ye ndeñele wo nge wo bo ayé’é dé e nda bisaé jé nge ke vôme bôte ba lôt? Ô ne tyendé nta’ane mame wôé asu na ô wô’an a wu môte mia nye mia bo ayé’é.
4. Bo’o ayé’é dé mban. Nge wo ye bo momo, te bo na ayé’é dé é bu’i. Ve, tame fase’e mame ma:
5. Ye’ela’ane Yéhôva na a ve wo mbamba été nsisim. Ye’ela’ane Yéhôva na a ve wo ngule ya ke ôsu a bo na, môte mia nye mia yé’é a su’ulane bo ñyé’é wé. Ye’ela’an asu jam éte to’o wo yene na, a bo ki ayé’é dé mban nge na, a tôñe ki melebe méziñe ya Kalate Zambe. (Philip. 2:13) Teke vaa nge beté, môte mia nye mia yé’é a bili mbamba mefulu; ye’ela’ane Yéhôva na a volô wo na ô bem ôsimesane wôé mefulu mete.
FOMBÔ’Ô FE
Mink. 3:27; Mame mi. 20:35; 2 Cor. 12:15
