BIBULUKALAN
KALANSEN 10
I yɛrɛ labila ka kalanden dɛmɛ
Sariyakolo: “An tun labɛnnin lo ka Ala ka kibaru diman fɔ aw ye, hali k’an yɛrɛ nii di aw kosɔn. Bari aw koo tun b’an dusu la kosɔbɛ.”—1 Tes. 2:8.
Yezu y’a kɛ cogo min na
1. VIDEWO filɛ wala Zan 3:1, 2 kalan. O kɔ, ɲiningali nunu jaabi:
-
Ele ka miiri la, mun lo y’a to Nikodɛmu tagara bɔ Yezu ye sufɛ?—Zan 12:42, 43 lajɛ.
-
Yezu sɔnna ka baro kɛ ni Nikodɛmu ye sufɛ. O b’a yira cogo di ko a tun labilanin lo ka mɔgɔw dɛmɛ u ka kɛ a ka kalandenw ye?
An be kalan min sɔrɔ Yezu fɛ
2. An b’a yira ko an be mɔgɔw kanu n’an labilanin lo k’u dɛmɛ u ka kɛ Krista ka kalandenw ye.
Yezu ladegi
3. Bibulukalan kɛ n’i ka kalanden ye wagati ani yɔrɔ min k’a diya. N’a sɔrɔ a ka di a ye ka kalan kɛ loon dɔ la wala wagati tigitigi dɔ la. Yala a bena diya a ye ka kalan kɛ a ka baarakɛyɔrɔ la, a ka soo wala forobayɔrɔ dɔ lo la wa? N’o lo, i jija ka labɛnw kɛ walisa ka kalan kɛ n’a ye wagati ani yɔrɔ min bɛnnin lo a ma.
4. I janto ka bibulukalan kɛ n’i ka kalanden ye tuma o tuma. N’i tɛna kɛ yen, kana o kalan lasa. Jatiminɛ kɛ k’a filɛ:
5. Delili kɛ walisa i ka to ka koow filɛ ni ɲɛɛ ɲuman ye. A be se ka gwɛlɛya kalanden ma ka kalan kɛ tuma o tuma wala ka kalan sira tagama. O la, Jehova deli a k’i dɛmɛ walisa i kana i fari faga kalanden kɔrɔ (Filip. 2:13). A deli fana a k’i dɛmɛ i ka to ka miiri kalanden ka jogo ɲumanw lo la.
