Dza Jesus Yɛe

Ebɛnadze Na Yesua Fi Dza Jesus Yɛe No Mu?

2. Sɛ yɛyɛ dza yebotum biara boa nkorɔfo ma wɔbɛyɛ esuafo a, ɔkyerɛ dɛ yɛdɔ hɔn.

 Suasua Jesus

3. Enye wo Bible suanyi no nsua adze wɔ ber nye bea a oye ma no. Bi a ɔbɛpɛ dɛ enye no sua adze da pɔtsee bi wɔ dapɛn no mu, anaa ɔpɛ anapa, ewiaber, anaa ewimbir bi. Afei so, hwɛ dɛ n’enyi bɛgye ho dɛ hom bosua adze wɔ n’edwuma mu, ne fie, anaa beebi a nkorɔfo wɔ anaa? Sɛ ɔbɛyɛ yie ama wo nkotsee dze a, yɛ nsesa wɔ wo mber nhyehyɛɛ mu ama eetum enye no esua adze.

4. Mma nntoto adzesua no mu. Sɛ biribi ntsi ber a hom ahyehyɛ dɛ hom bosua adze no rennyɛ yie a, mma nntwa adzesua no mu. Mbom no, bisa woho dɛ:

1.   a. Mubotum ayɛ adzesua no ber fofor wɔ dɛm dapɛn no mu anaa?

2.  b. Yebotum ayɛ adzesua no wɔ fon anaa video kɔnferɛns do anaa?

3.  d. Mubotum ama ɔdawurbɔfo fofor bi nye no ayɛ adzesua no anaa?

5. Serɛ Jehovah dɛ ɔmboa wo. Sɛ wo suanyi no toto adzesua no mu anaa ɔyɛ dzen ma no dɛ ɔdze Bible mu afotusɛm bi bɔbɔ ne bra a, serɛ Jehovah dɛ ɔmboa wo ma kɔ do ara yɛ dza ibotum boa no. (Phil. 2:13) Yɛreka yi koraa, bi a ehu dɛ wo suanyi no wɔ suban pa ahorow bi, ntsi serɛ Jehovah dɛ ɔmboa wo ma fa w’adwen si ɔno do.