VUKEI IRA MERA TISAIPELI
LESONI 10
Solia Nomu Dina
iVakavuvuli Vakaivolatabu: “Keitou vakadeitaka me keitou vunautaka vei kemuni na itukutuku vinaka me baleta na Kalou, me keitou solibula tale ga ena vukumuni, ni oni sa rui talei vei keitou.”—1 Ces. 2:8.
Ka e Cakava o Jisu
1. Sarava na VIDIO, se wilika Joni 3:1, 2, qai sauma na taro qo:
-
Na cava e lai raici Jisu kina ena bogi o Nikotimo?—Raica na Joni 12:42, 43.
-
Ni vakadonuya o Jisu me rau sota ena bogi, e vakaraitaka vakacava ni solia nona dina me vukei Nikotimo me dua na tisaipeli?
Na Cava Eda Vulica Vei Jisu?
2. Nida lomani ira na tamata, eda na solia na noda dina meda vukei ira mera dua na tisaipeli.
Vakatotomuri Jisu
3. Vuli ena gauna kei na vanua e ganiti gonevuli. Ena rairai digia e dua na siga se gauna ena lomanimacawa. Vakacava ena rawarawa me vuli ena nona vanua ni cakacaka, nona vale, se dua na vanua vagalala? Ke rawa, veisautaka na nomu ituvatuva me ganiti koya.
4. Me vuli wasoma. Ke o sega ni tiko, me kua ni daro na vuli. Qo na ka mo taroga:
5. Kerea vei Jiova na rai donu. Kerea vei Jiova me vukei iko mo solia nomu dina se mo kua ni soro, ke dredre mada ga me vuli wasoma se me muria na ivakavuvuli vakaivolatabu. (Fpai. 2:13) Ena rairai tiko e levu na nona itovo vinaka o gonevuli, kerea vei Jiova mo raica ga na ka vinaka.
